Sindicato Nacional de CCOO de Galicia

Sindicato Nacional de CCOO de Galicia
ESIXE os teus dereitos. ESIXE CCOO!

luns 30 de xullo de 2012

Mais de 50.000 empregadas e empregados públicos participaron nas manifestacións celebradas no día de onte en toda Galicia en contra dos recortes de Rajoy

As rúas foron un clamor contra a políticas de recortes impostas polo Goberno de Rajoy e en defensa dos servizos públicos e do Estado de Benestar

Manifestación en Vigo

Manifestación en Vigo

Mais de 50.000 empregados e empregadas públicos manifestáronse no día de onte en toda Galicia, baixo o lema "NON AO SAQUEO DO POBO. TEMOS QUE IMPEDIR QUE NOS ROUBEN", e convocados por a totalidade das forzas sindicais da nosa comunidade autónoma.

Os manifestantes corearon consigna como "O público é servizo, o privado beneficio", "É unha indecencia, acabar coa dependencia", "Que pouca dignidade, recortar a sanidade" ou "non ten perdón, chimpar a educación". Tampouco faltou un clamor pedindo a dimisión de Mariano Rajoy.

As manifestacións percorreron as principais rúas das cidades galegas en defensa dos servizos públicos, de calidade e en igualdade de condicións para todos os cidadáns e cidadás. 

Porque a sanidade, a educación e os servizos sociais son uns dereitos de todos e todas e deben ser defendidos, fronte ás políticas neoliberais que non buscan mais que favorecer a voracidade dos mercados e especuladores, deixando á cidadanía nunha situación delicada, con recortes constantes de dereitos sociais.

As organizacións convocantes, amosan a súa satisfacción polo seguimento das mobilizacións e animan ao conxunto da cidadanía a unirse contra uns recortes que empobrecen ao país no seu conxunto e ás persoas individualmente.

As organizacións sindicais anuncian un novo calendario de mobilizacións para os meses de agosto e setembro.

No mes de agosto haberá concentracións díante da Delegación e Subdelegacións do Goberno de todo Galicia, os venres 3, 24 e 31 ás 12:00 hrs., coincidindo coa celebración dos correpondentes consellos de Ministros. A partires do 6 de setembro, as concentracións volverán producirse nas portas dos centros de traballo.

Tamén está prevista unha gran manifestación o sábado 8 de setembro en Santiago de Compostela, para a que sairán autobuses das distintas comarcas de Galicia.

Os convocantes fan un novo chamamento a continúar na defensa dos servizos públicos e do Estado do benestar, como garantes da redistribución da riqueza en igualdade de condicións e solidariamente.

Mais de 50.000 empregadas e empregados públicos participaron nas manifestacións celebradas no día de onte en toda Galicia en contra dos recortes de Rajoy

luns 30 de xullo de 2012

Áreas temáticas relacionadas

Áreas - Acción sindical - Actualidade
Información - Novas
O teu sindicato - Unións Territoriais - A Coruña - Actualidade
O teu sindicato - Unións Territoriais - Ourense Valdeorras - Actualidade
O teu sindicato - Unións Territoriais - Lugo - Actualidade
O teu sindicato - Unións Territoriais - Pontevedra - Actualidade
O teu sindicato - Unións Territoriais - Vigo - Actualidade
O teu sindicato - Unións Territoriais - Santiago Barbanza - Actualidade

  • Zona de afiliados
  • Afiliate a CCOO
  • Resumo de prensa
  • FOREM Galicia: formación para o emprego
    • A auga é un dereito - a túa sinatura é importante
    • 10.º Congreso do S. N. de CCOO de Galicia
  • Lista de locais do SN de CCOO
  • Galicia Sindical n.º 39 - 1.ª quincena de abril de 2013
  • Queres ser delegado?
  • Atlantis Seguros - Promoción vida
  • Autoemprego
  • Imos Traballar! (2)
  • A pegada dos avós
    • Fundación Paz e Solidariedade
    • Fundación 10 de Marzo