Sindicato Nacional de CCOO de Galicia

Sindicato Nacional de CCOO de Galicia
#ReclamaciónTemporais
Imaxe de arquivo dunha mobilización do comité de Navantia

CCOO ve un «cambio substancial na actitude e formas» da SEPI e insiste na necesidade dun plan industrial para Navantia

  • A Federación de Industria do sindicato considera «satisfactoria» a xuntanza coa nova presidenta do hólding empresarial público, Pilar Platero
28.03.2017.

A Federación de Industria de Comisións Obreiras considera «satisfactoria» a xuntanza que mantivo recentemente coa nova presidenta da Sociedad Estatal de Participaciones Industriales (SEPI), Pilar Platero. O sindicato ve un «cambio substancial na actitude e as formas» do hólding público, propietario de empresas como Navantia.

Concentración en Santiago de Compostela

Nova xornada de loita e reivindicación para reclamar salarios dignos, emprego estable e recuperación de dereitos sociais

  • Ferrol, Santiago, Lugo, Viveiro, Ourense, Pontevedra e Vigo acolleron esta mañá varias mobilizacións; Na Coruña haberá unha concentración esta tarde
23.03.2017.

Galicia viviu esta mañá unha nova xornada de loita e reivindicación na que a cidadanía se mobilizou nas cidades e vilas de Ferrol, Santiago, Lugo, Celeiro (Viveiro), Ourense, Pontevedra e Vigo para reclamar salarios dignos, emprego estable e recuperación de dereitos sociais. A concentración da Coruña terá lugar este serán, a partir das 20 horas. As mobilizacións, convocadas por UGT e CCOO, continúan a campaña iniciada en decembro pasado e que se seguiu a desenvolver os meses de febreiro e marzo deste ano.

O sindicato defende o dereito á agua e remunicipalizar os servizos de xestión

CCOO avoga por un modelo «público, democrático e transparente» de xestión do ciclo da auga

  • O sindicato defende remunicipalizar os servizos de xestión, na liña de experiencias «de éxito» en Galicia e no resto do estado
22.03.2017.

O 22 de marzo de cada ano, por iniciativa das Nacións Unidas, conmemórase o Día Mundial da Auga como referente para chamar a atención sobre a problemática xeral deste elemento. Comisións Obreiras (CCOO) aproveita a ocasión para avogar por un modelo «público, democrático e transparente» de xestión do ciclo da auga.

CCOO denuncia os actos de intolerancia e discriminación contra as persoas refuxiadas e migrantes

21.03.2017.
Fotografía de arquivo dunha mobilización na Coruña a prol das persoas refuxiadas

Co gallo do Día Internacional da Eliminación da Discriminación Racial, que se conmemora hoxe, CCOO denuncia os actos de intolerancia e discriminación contra as persoas refuxiadas e migrantes. O sindicato defende que esta data é «unha oportunidade» para renovar o compromiso de construír un mundo de xustiza e igualdade, no que non existan discriminacións por xenofobia nin intolerancia racial. Con todo, o racismo e a intolerancia aumentan en todo o mundo, mesmo en Europa.

CCOO-Sanidade reelixiu a Ángel Cameselle como secretario xeral

17.03.2017.
Nova Executiva de CCOO-Sanidade

A federación de Sanidade e Sectores Sociosanitarios de CCOO de Galicia celebrou o 16 de marzo, en Sanxenxo, o seu 8.º Congreso, no que Ángel Cameselle foi reelixido secretario xeral para un segundo mandato. Canda el, unha nova Comisión Executiva na que se renova a metade de integrantes e cun 70% de membros mulleres.

José Manuel Ramos Varela, elixido novo secretario xeral da Federación de Servizos á Cidadanía de Galicia

16.03.2017.
Nova Executiva da FSC de Galicia

Xunto con Ramos, formarán parte da nova Executiva da Federación Carmen Buján Gómez, José Emilio Doforno Guzmán, Mónica García Rodríguez, Plácido José Cazón Lamas, M.ª Carmen Rodríguez García, Fernando A. Fernández González, Carmen Botana Budiño, Ramiro Otero Rodríguez, Mar Costas Otero, Castor Fernández Soto, Nuria Rodríguez Lema e Severino Rodríguez Vázquez.

Os Premios 10 de Marzo de CCOO recoñecen, un ano máis, traxectorias en defensa dos dereitos laborais

14.03.2017.
Abaixo, de esq. a der., Emilio Crespo, Tito Ucha (en nome de 'Sefa') e Carlos Domenech

O pasado sábado, o Sindicato Nacional de CCOO de Galicia e a súa Fundación 10 de Marzo entregaron os premios que cada ano conceden a persoas significadas na loita polas liberdades e os dereitos laborais. Este ano recibiron o galardón Josefa Martínez Barreiro, traballadora do sector marisqueiro e fundadora das Comisións Mariñeiras; Emilio Crespo Correa, docente e sindicalista do ensino; e Carlos Domenech de Aspe, inspector de traballo e seguridade social, recentemente xubilado.

Sede do Servizo Galego de Saúde (SERGAS)

CCOO insta a dirección do 061 a recoñecer unha débeda de case medio millón de euros co seu persoal

  • O sindicato lamenta que as traballadoras e traballadores afectados estean «a pagar do seu peto» as accións xudiciais para reclamar estas cantidades, cando debía ser o 061 o que as aboase «de oficio»
27.03.2017.

A Federación de Sanidade de CCOO de Galicia insta a dirección do servizo de urxencias sanitarias 061 a recoñecer a débeda que mantén co seu persoal por non lle pagar durante as vacacións o complemento de atención continuada no referente a noites e festivos. Os cálculos do sindicato sitúan a débeda nuns 400.000 euros.

Cristóbal González (esquerda), xunto ao seu predecesor, Demetrio Vázquez

Cristóbal González é elixido novo secretario xeral comarcal de CCOO da Coruña

27.03.2017.

O Congreso da Unión Comarcal de CCOO da Coruña elixiu como novo secretario xeral a José Cristóbal González Triñanes, candidatura avalada polo 99 % dos votos das delegadas e delegados do Congreso (rexistrouse unicamente unha abstención).

Áurea Vázquez é reelixida secretaria xeral de CCOO de Ferrol

  • As candidaturas á Secretaría Xeral e á Comisión Executiva recibiron un apoio superior ao 90%, sen que en ningún caso se rexistrasen votos contrarios
27.03.2017.
Áurea Vázquez (segunda pola esquerda), foi reelixida como secretaria xeral comarcal

O Congreso da Unión Comarcal de CCOO de Ferrol reelixiu a Áurea Vázquez Estraviz como secretaria xeral para os próximos catro anos. A súa candidatura, única que se presentaba, recibiu o 92,1 % dos apoios (non se rexistraron votos en contra).

Jesús Varela é elixido secretario xeral da Unión Comarcal de CCOO de Lugo

27.03.2017.
Nova Comisión Executiva de CCOO de Lugo

Os delegados e delegadas que participaron no Congreso da Unión Comarcal de CCOO de Lugo elixiron como novo secretario xeral a Jesús Varela Lodeiro.

José Ramón Piñeiro é o novo secretario xeral da Unión Comarcal de CCOO de Pontevedra

27.03.2017.
No centro da fotografía, intervención do novo secretario xeral comarcal

O Congreso comarcal de CCOO de Pontevedra elixiu como novo responsable para os próximos catro anos a José Ramón Piñeiro Piñeiro.

Mariano Quintela é o novo secretario xeral comarcal de CCOO da Mariña

27.03.2017.
Mariano Quintela (segundo pola esquerda) é o novo responsable comarcal

As delegadas e delegados que participaron no Congreso comarcal de CCOO da Mariña elixiron a Mariano Quintela novo secretario xeral.

Celia Iglesias é elixida nova secretaria xeral da Unión Comarcal de CCOO de Arousa

27.03.2017.

O Congreso comarcal de CCOO de Arousa elixiu como nova secretaria xeral a Celia Iglesias, presidenta da xunta de persoal do Hospital do Salnés.

Acordo marco para a parada técnica en Repsol

  • Establécese un complemento por desempeño que aboarán todas as empresas que interveñan na dita parada técnica, sexa cal for a categoría profesional
24.03.2017.
Refinaría de Repsol na Coruña

CCOO-Industria e FICA-UGT chegaron esta semana a un acordo marco coa dirección da empresa para desenvolver durante a parada técnica programada na refinaría de Repsol Petróleo da Coruña. Establécese un complemento por desempeño que aboarán todas as empresas que participen na parada, sexa cal for a categoría profesional.

CCOO esixe unha «OPE excepcional» de case 7000 prazas, quince veces o anunciado pola Xunta

  • A Federación de Sanidade do sindicato ampara a petición en datos fornecidos polo Ministerio
24.03.2017.
CCOO di «si» á OPE extraordinaria

A Federación de Sanidade de Comisións Obreiras de Galicia insiste na necesidade de convocar unha oferta pública de emprego (OPE) «excepcional» de case 7000 prazas, o que significaría multiplicar por quince a oferta de 438 anunciada pola Xunta de Galicia. O secretario xeral de CCOO-Sanidade, Ángel Cameselle, ampárase en datos fornecidos polo Ministerio para cuantificar a magnitude da oferta pública.

CCOO convoca o persoal de Insuíña a se mobilizar ante o bloqueo da negociación do convenio

  • O sindicato acusa a dirección da empresa de «enganar» e «menosprezar» as traballadoras e traballadores
23.03.2017.
Planta de Insuiña en Chapela (Redondela) | Foto: Pescanova.com

A Federación de Industria de Comisións Obreiras de Galicia convocará para a próxima semana o comité de empresa e o persoal de Insuíña para preparar mobilizacións por mor do bloqueo da negociación do convenio colectivo. O sindicato acusa a dirección da empresa de «enganar» e «menosprezar» as traballadoras e traballadores, que xa anunciaran folga o pasado mes de decembro e a desconvocaran ante a promesa de que no primeiro trimestre do ano habería negociacións para atender as súas peticións.