Sindicato Nacional de CCOO de Galicia

Sindicato Nacional de CCOO de Galicia
#ReclamaciónTemporais

venres 10 de febreiro de 2017

Folga en CTAG-IDIADA para esixir mellores condicións

  • CCOO defende a súa adhesión ao convenio do metal da provincia de Pontevedra, máis acorde co actividade que realiza a empresa

As traballadoras e traballadores de CTAG-IDIADA están chamados á folga o vindeiro 15 de febreiro. Reclaman a adhesión da empresa ao conveio do metal da provincia de Pontevedra. CCOO defende esta solicitude, tanto por ser coherente co traballo realizado no marco do sector da automoción como porque supón a mellora das condicións salariais e sociais do persoal.

CCOO lembra que CTAG-IDIADA realizada o seu labor no sector da automoción

CCOO lembra que CTAG-IDIADA realizada o seu labor no sector da automoción

CTAG-IDIADA Safety Technology S. L. é unha sociedade creada en 2002, a partes iguais entre o Centro Tecnolóxico de Automoción de Galicia (CTAG) e Applus IDIADA, multinacional que iniciou a súa actividade en Cataluña en 1971, especializada en servizo de homologación para a industria do automóbil. Nesta sociedade, o CTAG achega as instalacións, a dirección e o capital humano, mentres que Applus IDIADA puxo –no seu momento– a experiencia e a súa rede de clientes.

CTAG-IDIADA conta cun edificio propio e un equipo de 34 técnicos especializados e enxeñeiros. Isto permite que as empresas da automoción poidan botar man deste laboratorio de homologación, aforrando o custo de ensaiar na sede central de Applus IDIADA, situada en Tarragona.

CCOO leva tempo a denunciar que a empresa somete o cadro de persoal a políticas de baixos salarios –chegando incluso a conxelalos– e a non desenvolver a carreira profesional, malia que o traballo realizado precisa alta especialización e formación permamente. A denuncia sindical é compartida maioritariamente no seo da empresa: máis do 93 % das traballadoras e traballadores reclamaron por escrito a mellora das súas condicións.
A negativa da empresa a atender as reivindicacións levou a que, por vez primeira desde o nacemento da sociedade, se convoque unha xornada de folga en CTAG-IDIADA, xunto coa petición de adhesión ao convenio provincial do metal e unha correcta categorización profesional dentro deste.

Folga en CTAG-IDIADA para esixir mellores condicións

venres 10 de febreiro de 2017

Áreas temáticas relacionadas

Áreas - Acción sindical - Actualidade
Información - Novas
O teu sindicato - Unións Territoriais - Vigo - Actualidade

  • Zona de afiliados
  • Afiliate a CCOO
  • 11.º Congreso Nacional de CCOO de Galicia
  • Lista de locais do SN de CCOO
  • Fixemos, facemos, faremos historia
  • Resumo de prensa
  • Galicia Sindical n.º 39 - 1.ª quincena de abril de 2013
  • Asina por unha Europa social primeiro
  • Acordos do Diálogo Social en Galicia 2015
  • Autoemprego
  • Queres ser delegado?
  • Fundación 10 de Marzo
  • Atlantis Seguros
  • Portal de transparencia