Sindicato Nacional de CCOO de Galicia

Sindicato Nacional de CCOO de Galicia
11.º Congreso Nacional de CCOO de Galicia - Compromiso sindical: máis sindicato, máis dereitos

CCOO apoia e comparte a denuncia do colectivo de traballadores do IMELGA sobre o estado da sala de autopsias do CHUO

  • As instalacións onde realizan o seu traballo non se axustan ás necesidades mínimas deste tipo de actividade
24.05.2017.

CCOO súmase ás queixas presentadas polo colectivo de médicos forenses e denuncia o lamentable estado das instalacións onde teñen que realizar a súa actividade. Actualmente, están situadas no Complexo Hospitalario Universitario de Ourense (CHUO), xa que o Instituto de Medicina Legal de Galicia (IMELGA) carece de instalacións propias da Administración de Xustiza para realizar as autopsias xudiciais.

Asinamento do novo convenio de CESPA

CCOO informa das melloras no novo convenio para o persoal CESPA en Santiago de Compostela

  • Incrementos salariais por riba do IPC, cláusula de ultraactividade e aposta pola calidade do emprego son algúns dos aspectos máis salientables
22.05.2017.

A Federación de Construción e Servizos de CCOO de Galicia informa do asinamento do novo convenio para o persoal da empresa CESPA en Santiago de Compostela. CCOO salienta que o convenio mantén as consquistas de anteriores negociacións, ao tempo que avanza en dereitos e garantías para o persoal. Entre as melloras cabe citar os incrementos salariais por riba do IPC, a cláusula de ultraactividade —que garante a vixencia do convenio namentres non se asine outro— e a aposta pola calidade do emprego.

Intervención de Ramón Sarmiento, acompañado da nova Comisión Executiva Nacional

Ramón Sarmiento é elixido novo secretario xeral de CCOO

  • O novo dirixente promete renovar o traballo sindical e loitar pola unidade de acción con outros sindicatos
19.05.2017.

As delegadas e delegados que participaron no 11.º Congreso Nacional de CCOO elixiron hoxe a Ramón Sarmiento Solla como secretario xeral para os próximos catro anos. A súa candidatura foi apoiada co 82,55 % dos votos emitidos; así mesmo, a súa proposta de Comisión Executiva Nacional foi referendada polo 80 % dos votos. O novo dirixente substitúe no cargo a Xosé Manuel Sánchez Aguión, que non se presentaba á reelección, e faino prometendo renovar o traballo sindical e loitar a prol da unidade de acción con outras organizacións sindicais.

Intervención de Sánchez Aguión durante a lectura do informe xeral

Sánchez Aguión avoga por un plan de choque para a recuperación do emprego e pola mellora da protección social

  • As delegadas e delegados que participan no 11.º Congreso aprobaron o informe-balance da Comisión Executiva Nacional saínte
18.05.2017.

As delegadas e delegados que participan no 11.º Congreso aprobaron o informe-balance da Comisión Executiva Nacional saínte, cuxa exposición correu a cargo de Xosé Manuel Sánchez Aguión, que abandona a Secretaría Xeral neste conclave. Na súa intervención, Sánchez Aguión sinalou que a «cacarexada recuperación» non chegou aínda ás persoas, así que avogou por un plan de choque para recuperar o emprego e mellorar os mecanismos de protección social.

CCOO pon en valor o acordo en Pescanova

CCOO pon en valor o acordo en Pescanova malia a actitude doutros sindicatos

  • Asegurouse o sustento económico para 1500 familias, o cal perigaba antes do asinamento do pacto
16.05.2017.

A Federación de Industria de CCOO pon en valor o acordo marco do convenio do Grupo Pescanova, que agora se deberá levar ás mesas de negociación para o seu desenvolvemento. Comisións salienta a importancia do contido negociado e acordado, malia á actitude doutras organizacións sindicais.

Composicion da porta da sede nacional e da sala en que tivo lugar a asemblea

Acto sindical en Santiago-Barbanza para celebrar o Día das Letras Galegas

  • A Unión Intercomarcal de CCOO organizou unha actividade esta mañá, na sede nacional do sindicato, en San Lázaro
16.05.2017.

A Comisión Executiva da Unión Intercomarcal de CCOO de Santiago-Barbanza convocou as delegadas e delegados da comarca para a celebración dun acto co gallo do Día das Letras Galegas. A actividade tivo lugar este martes, véspera da efeméride, na sede nacional do sindicato, no barrio de San Lázaro (Santiago de Compostela).

Manuela Caneda e Roberto Garrido no salón Previsel

A importancia da participación das delegadas e delegados de prevención

12.05.2017.Manuela Caneda, técnica do Gabinete de Saúde Laboral de CCOO

O pasado 10 de maio achegueime ata Expourense para participar de novo en Previsel, salón da prevención e a saúde laboral. Alí, o responsable de Saúde Laboral da Unión Intercomarcal de Ourense, Roberto Garrido, mais eu demos unha charla sobre a prevención de riscos laborais.

Sánchez Aguión (esq.) e Ramón Sarmiento (der.), na presentación do 11.º Congreso

CCOO acometerá no seu 11.º Congreso Nacional unha «profunda renovación» de persoas e do traballo sindical

  • O secretario xeral saínte, Sánchez Aguión, aplaudiu que se chegara a unha candidatura de consenso; o aspirante, Sarmiento, traballará para lograr a unidade de acción cos «sindicatos irmáns» CIG e UGT
11.05.2017.

O Sindicato Nacional de Comisións Obreiras de Galicia (CCOO) celebrará o seu 11.º Congreso os días 18 e 19 de maio, en Santiago de Compostela, baixo o lema «compromiso sindical: máis sindicato, máis dereitos». Neste conclave, no que participarán 250 delegados e delegadas, producirase unha «profunda renovación» tanto das persoas que conformarán os órganos de dirección como do traballo sindical. Así o aseguraron esta mañá Xosé Manuel Sánchez Aguión, secretario xeral saínte, e o aspirante a sucedelo, Ramón Sarmiento Solla.

Imaxe de arquivo dunha concentración no Hospital Clínico de Santiago (CHUS) contra o peche de camas

CCOO insta o SERGAS a aproveitar o verán para reducir as listaxes de espera hospitalaria

  • O sindicato pide o funcionamento «a pleno rendemento» dos servizos hospitalarios na época estival
24.05.2017.

A Federación de Sanidade de CCOO de Galicia critica a «teima» do Sergas en pechar camas, servizos e plantas de hospitalización, amais de manter inoperativos «numerosos quirófanos» durante o verán. O sindicato insta o Servizo Galego de Saúde a aproveitar a época estival para reducir as listaxes de espera hospitalaria; por esta razón, pide que entre xuño e setembro se funcione «a pleno rendemento».

Fotografía de José Pasín na portada desta obra

A F10M e a Deputación da Coruña presentan a segunda edición do libro sobre José Pasín e a memoria obreira compostelá

  • A presentación terá lugar mañá martes, 23 de maio, ás 20 h, na libraría Couceiro
22.05.2017.

A Fundación 10 de Marzo de CCOO, en colaboración coa Deputación da Coruña, presenta a segunda edición do libro 'José Pasín Romero: Memoria do proletariado militante de Compostela', do que é autor o historiador Dionísio Pereira. O libro será presentado mañá martes, día 23 de maio, ás 20 h, na libraría Couceiro de Santiago de Compostela.

Ramón Sarmiento, único candidato á Secretaría Xeral de CCOO

Confírmase que Ramón Sarmiento é o único candidato a secretario xeral de CCOO

19.05.2017.

Rematado o prazo de presentación de candidaturas neste 11.º Congreso, confírmase que Ramón Sarmiento é o único candidato a secretario xeral de CCOO. A súa candidatura chega apoiada por 184 avais. Así mesmo, a proposta de Comisión Executiva Nacional, por el encabezada, conta con 185 avais.

Demetrio Vázquez, no centro, intervén ante o plenario do Congreso

Demetrio Vázquez preside a mesa do 11.º Congreso Nacional

18.05.2017.

Tras a aprobación da orde do día, o compañeiro Demetrio Vázquez Martínez, da Unión Comarcal de CCOO da Coruña, asumiu a presidencia da mesa que velará polo bo desenvolvemento do 11.º Congreso Nacional de CCOO de Galicia.

CCOO celebra os días 18 e 19 o seu 11.º Congreso Nacional

CCOO celebra os días 18 e 19 o seu 11.º Congreso Nacional galego

  • O sindicato acometerá unha profunda renovación das súas estruturas nun conclave en que están chamados a particiar 250 delegados e delegadas de toda Galicia
16.05.2017.

O Sindicato Nacional de Comisións Obreiras de Galicia (CCOO) celebrará o seu 11.º Congreso os días 18 e 19 de maio, en Santiago de Compostela, baixo o lema «compromiso sindical: máis sindicato, máis dereitos». Neste conclave, no que participarán 250 delegados e delegadas, producirase unha «profunda renovación» tanto das persoas que conformarán os órganos de dirección como do traballo sindical. Nas redes sociais seguirase coa etiqueta #11CCOOgal.

CCOO e UGT convidan a celebrar o Día das Letras Galegas

17 de Maio de 2017, Día das Letras Galegas

15.05.2017.

O dicionario da Real Academia Galega define 'idioma' como a «lingua natural propia dunha comunidade humana, especialmente a lingua moderna dunha nación». Ante un novo 17 de Maio, Día das Letras Galegas, as Comisións Executivas da Unión Xeral de Traballadores de Galicia e do Sindicato Nacional de Comisións Obreiras de Galicia poñemos en primeiro plano esta definición para subliñarmos a importancia capital da lingua galega para a propia comprensión e concepción do noso país.

CCOO apoia unha lei galega de identidade de xénero

CCOO súmase á petición dunha lei galega de identidade de xénero

  • O sindicato únese á petición de organizacións como Ultreia LGTBI, Amizando e Arelas
11.05.2017.

O Sindicato Nacional de Comisións Obreiras de Galicia (CCOO) súmase á petición dunha lei galega de identidade de xénero. Únese, deste xeito, ás reivindicacións de Ultreia LGTBI, Amizando e Arelas, que levan tempo a reivindicar unha norma neste sentido, especialmente para protexer os dereitos dos menores transexuais, que conforman o colectivo máis vulnerable.

Buscar noticias anteriores

Buscar noticias anteriores

Data: