Sindicato Nacional de CCOO de Galicia

Sindicato Nacional de CCOO de Galicia
#ReclamaciónTemporais

23 de marzo: mellor emprego, salarios dignos e dereitos sociais

As mobilizacións, iniciadas en decembro e que proseguiron o 19 e 22 de febreiro, continúan o 23 de marzo cunha nova xornada de loita e reivindicación.

10 de Marzo - Día da Clase Obreira Galega do 2017

Emprego e salarios dignos para unha vida digna

Premios 10 de Marzo 2017

A entrega dos Premios 10 de Marzo de 2017 terá lugar o sábado, día 11, a partir das 12 h, no centro sociocultural de Santa Marta (r/ de Antonio Rama Seoane n.º 6, Santiago de Compostela).

#ReclamaciónTemporais

CCOO puxo en marcha unha ampla campaña de asesoramento xurídico e sindical para axudar as traballadoras e traballadores temporais a reclamaren a fixeza do seu contrato laboral temporal irregular ou a condición de indefinido non fixo no caso dos temporais irregulares na Administración pública, así como unha maior indemnización económica pola finalización dos seus contratos ou nomeamentos temporais, en aplicación das recentes sentenzas do Tribunal de Xustiza da Unión Europea (TXUE) sobre estabilidade no emprego e igualdade de condicións na indemnización.

Denuncia a precariedade laboral

CCOO impulsa unha campaña para denunciar a precariedade laboral. Segundo os datos de que dispón o sindicato, o 31 % das persoas asalariadas cobra menos do salario mínimo, ao tempo que máis da metade das horas extra non se remuneran. A precariedade tamén está vinculada á sinistralidade: a porcentaxe de accidentes de traballo é case o dobre entre as persoas con contratos temporais.

ILP por unha prestación de ingresos mínimos

CCOO e UGT impulsan unha iniciativa lexislativa popular (ILP) por unha prestación de ingresos mínimos. A proposta configúrase como unha axuda de 426 euros mensuais para as persoas que non teñan ningún tipo de ingreso.

Diálogo social en Galicia 2015

O Sindicato Nacional de Comisións Obreiras, a UGT, a CEG e a Xunta de Galicia asinaron o 14 de xaneiro o acordo sobre as liñas básicas para o desenvolvemento en Galicia do Programa de Garantía Xuvenil e as liñas complementarias do Programa Extraordinario de Activación para o Emprego. Para CCOO, trátase dun «esforzo colectivo» grazas ao cal 60.000 galegos e galegas poderán mellorar a súa formación ou cualificación profesional e, con iso, teren maiores posibilidades de acceder ao un emprego ou ao autoemprego. Ademais, o Servizo Público de Emprego reforzarase con 120 novas contratacións para atender de maneiras individualizada os desempregados e desempregadas.

É público, é teu. Sálvao

É público, é teu. Sálvao

O Sindicato Nacional de Comisións Obreiras de Galicia (CCOO) inicia unha campaña para implicar a cidadanía na defensa dos servizos públicos. Desenvolverase nos próximos meses so o lema «É público, é teu. Sálvao», e pretende concienciar sobre as repercusións negativas dos recortes e da deterioración destes servizos nas condicións de vida da maioría da sociedade galega.