Sindicato Nacional de CCOO de Galicia

Sindicato Nacional de CCOO de Galicia
#ReclamaciónTemporais
Os grupos parlamentarios de BNG, En Marea e PSdeG apoian as reivindicacións do comité

Denuncian irregularidades e solicitan paralizar a licitación do concurso para a limpeza dos edificios administrativos da Xunta

  • Os sindicatos con representación no comité de empresa da actual adxudicataria teñen o apoio dos grupos parlamentarios da oposición nas súas demandas
20.02.2017.

O comité de empresa de Santiago de Compostela da actual adxudicataria do servizo de limpeza dos edificios administrativos da Xunta de Galicia, o Grupo Norte, denuncia irregularidades no prego do concurso e solicita paralizar a licitación. Entre outras, os sindicatos salientan que se detectou a inclusión nalgúns centros dun número de traballadores e traballadoras superior ao real, persoal que aparece na relación de postos de traballo pero que ninguén coñece, persoal con antigüidade recoñecida que non recolle o cadro de persoal ou custos salariais por riba dos efectivamente percibidos.

CCOO e UGT reuníronse cos grupos parlamentarios da oposición

Os grupos parlamentarios de En Marea, PSdeG e BNG conciden con CCOO e UGT na necesidade das mobilizacións

13.12.2016.

Unha representación de CCOO e de UGT reuniuse esta mañá con membros dos grupos parlamentarios de En Marea, PSdeG e BNG para presentarlles as mobilizacións do vindeiro día 15 e as razóns que as sustentan.

CCOO e En Marea amosaron coincidencias na análise da situación económica e social de Galicia

CCOO e En Marea reafírmanse en que «hai alternativas» ás políticas económicas aplicadas ata o de agora para combater a crise

14.10.2016.

Este venres reuníronse na sede nacional de Comisións Obreiras unha representación do sindicato e do grupo parlamentario de En Marea. Por parte de CCOO participaron o secretario xeral, Xosé Manuel Sánchez Aguión, a secretaria de Emprego e Institucional, Maica Bouza, e a secretaria de Política Social, Adela Poisa. A delegación de En Marea integrárona os deputados Luís Villares e Manuel Lago.

Día da Patria Galega 2016

Declaración do Sindicato Nacional de CCOO de Galicia e UGT-Galicia con motivo da celebración do Día da Patria Galega de 2016

22.07.2016.

Emprego precario e abandono do mercado laboral. Velaí as notas definitorias da cacarexada «recuperación» de que alardea a Xunta de Galicia. O Goberno galego limitouse os últimos anos a facer o que lle ordenan desde Madrid, mentres fica impasible ante do desmantelamento de sectores estratéxicos da economía galega. As únicas medidas adoptadas foron recorte sobre recorte, incluso alén do que pedía o Goberno do estado; isto valeulle á nosa comunidade a consideración de alumna avantaxada da escola dos recortes, a campioa da austeridade.

No Día das Letras deste ano é homenaxeado Manuel María

Declaración das comisións executivas de CCOO e UGT polo Día das Letras Galegas

13.05.2016.

Ante un novo 17 de Maio, Día das Letras Galegas, as Comisións Executivas da Unión Xeral de Traballadores de Galicia e do Sindicato Nacional de Comisións Obreiras de Galicia reafirmámonos no insubstituíble papel da lingua galega para a nosa sociedade, tanto na dimensión de vehículo de comunicación como na de valioso herdo cultural.

Os sindicatos presentaron a campaña a prol do dereito de folga

Os grupos parlamentarios galegos do PSdeG, AGE e BNG apoian o indulto a Serafín e Carlos

  • Tamén tomaron nota das reivindicacións de CCOO e UGT, que impulsan unha campaña a prol do dereito de folga
01.02.2016.

Os grupos parlamentarios galegos do PSdeG, AGE e BNG reuníronse esta mañá cunha delegación dos sindicatos CCOO e UGT, que impulsan unha campaña a prol do dereito de folga. Neste encontro, os responsables políticos comprometéronse a apoiar as peticións de indulto para os traballadores Serafín Rodríguez e Carlos Rivas, condenados a penas de cárcere pola súa implicación nun piquete informativo.

CCOO considera que os orzamentos do 2017 perpetúan as políticas de austeridade

CCOO tratou cos grupos parlamentarios sobre a repercusión dos orzamentos da Xunta no emprego público

  • A oposición comprometeuse co sindicato a traballar a prol da recuperación da negociación colectiva no ámbito público
24.01.2017.

Unha representación de Comisións Obreiras (CCOO) reuniuse entre o luns e martes desta semana cos catro grupos do Parlamento de Galicia para tratar a repercusión dos orzamentos da Xunta no emprego público. CCOO valora a «boa acollida» xeral que tiveron as súas propostas, especialmente o compromiso adquirido polos grupos da oposición para que as demandas sindicais estean presentes no debate parlamentario.

CCOO e PSdeG instan a Xunta a clarificar nos orzamentos as súas promesas

CCOO e PSdeG instan a Xunta a clarificar nos orzamentos as súas promesas

  • Esta mañá reuníronse na sede nacional do sindicato unha delegación de Comisións Obreiras e do grupo parlamentario socialista
14.11.2016.

O Sindicato Nacional de Comisións Obreiras de Galicia (CCOO) e o Partido dos Socialistas de Galicia (PSdeG) instan a Xunta a clarificar nos orzamentos as promesas efectuadas por Alberto Núñez Feijóo no seu discurso de investidura como presidente. Así o afirmaron esta mañá os responsables de ambas as dúas organizacións após a reunión que mantiveron na sede nacional do sindicato as representacións de CCOO e do grupo parlamentario socialista.

CCOO pide apoiar as opcións políticas que defendan os postulados do sindicato

CCOO chama a participar nas eleccións do 25-S e a dar o apoio ás opcións políticas que asuman as propostas do sindicato

  • O mantemento do estado do benestar, a revitalización dos servizos públicos, políticas económicas que xeren emprego de calidade e políticas fiscais xustas son algunhas das esixencias sindicais
20.09.2016.

O Comité de Dirección Nacional de Comisións Obreiras de Galicia (CCOO) aprobou na xuntanza do pasado 19 de setembro unha resolución co gallo das inminentes eleccións ao Parlamento galego. Desde o «respecto á liberdade das persoas en xeral, e da afiliación a CCOO en particular», o sindicato chama a participar no proceso electoral e a dar o apoio ás opcións políticas que asuman as reivincacións e propostas de Comisións Obreiras.

De esq. a der., J. A. Gómez, Sánchez Aguión e Leiceaga

CCOO agradécelle a Leiceaga o xesto de se reunir primeiro cos sindicatos e reivindica un cambio nas políticas económicas e sociais

  • O candidato do PSdeG á presidencia da Xunta mantivo un encontro esta mañá cos secretarios xerais de CCOO e UGT de Galicia
09.06.2016.

A sede do Sindicato Nacional de Comisións Obreiras de Galicia (CCOO) acolleu esta mañá a primeira reunión do candidato do PSdeG á presidencia da Xunta cos axentes sociais. Na sede sindical, Xoaquín Fernández Leiceaga entrevistouse co secretario xeral de CCOO, Xosé Manuel Sánchez Aguión, e co seu homólogo da UGT, José Antonio Gómez. Aguión agradeceulle a Leiceaga o xesto de se reunir en primeiro lugar cos sindicatos e pediu un cambio nas políticas económicas e sociais tanto en España como en Galicia.

CCOO conxuga a loita nos centros de traballo coa participación en determinados organismos

A participación institucional en CCOO de Galicia

  • Documento presentado na reunión do Consello Nacional do 26 de febreiro de 2016
30.03.2016.Secretaría de Emprego e Institucional

O obxectivo deste documento é coñecer a situación da participación institucional no ámbito do Sindicato Nacional de CCOO de Galicia e tentar acordar criterios para convertela nun instrumento fundamental do desenvolvemento das demandas sociopolíticas do sindicato.

Eleccións Xerais 20 decembro

Declaración do Sindicato Nacional de CCOO de Galicia diante das Eleccións Xerais 20-D

17.12.2015.

Os traballadores e traballadoras, a cidadanía galega, teñen nas próximas eleccións xerais do 20 de decembro unha oportunidade para deteren co seu voto os recortes económicos e de dereitos sociais e laborais

GALICIA E A SÚA CULTURA, DE LOITO POLO PASAMENTO DE XOSÉ NEIRA VILAS

  • O Sindicato Nacional de CCOO de Galicia lamenta a súa morte e transmite as súas condolencias a familiares e amigos e a todo o pobo galego.
27.11.2015.

Buscar noticias anteriores

Buscar noticias anteriores

Data: