Sindicato Nacional de CCOO de Galicia

Sindicato Nacional de CCOO de Galicia
Asembleas xerais abertas
O sindicato seguirá a traballar contra a discriminación ás persoas LGTBI

«Orgullo de ser CCOO»: o sindicato traballa cada día para eliminar as discriminacións contra as persoas LGTBI

  • Comisións anima a toda a súa afiliación e a clase traballadora a sumarse aos actos reivindicativos organizados polos colectivos LGTBI
28.06.2017.

So o lema «orgullo de ser CCOO», Comisións Obreiras anima a toda a súa afiliación e a clase traballadora a sumarse estes días aos actos reivindicativos organizados polo colectivo de lesbianas, gais, transexuais, bisexuais e intersexuais (LGTBI). Para o sindicato, a diversidade sexual e a identidade de xénero non poden ser un motivo de discriminación no ámbito laboral; polo tanto, reafirma o seu compromiso de traballar cada día para eliminar as discriminacións contra as persoas LGTBI.

CCOO apoia unha lei galega de identidade de xénero

CCOO súmase á petición dunha lei galega de identidade de xénero

  • O sindicato únese á petición de organizacións como Ultreia LGTBI, Amizando e Arelas
11.05.2017.

O Sindicato Nacional de Comisións Obreiras de Galicia (CCOO) súmase á petición dunha lei galega de identidade de xénero. Únese, deste xeito, ás reivindicacións de Ultreia LGTBI, Amizando e Arelas, que levan tempo a reivindicar unha norma neste sentido, especialmente para protexer os dereitos dos menores transexuais, que conforman o colectivo máis vulnerable.

O Goberno recortou varios millóns en medidas para a conciliación

CCOO censura a «hipocrisía» da Xunta por lle impedir a unha traballadora conciliar a vida familiar e laboral

  • O sindicato critica que a afectada xa tivera que acudir á Xustiza para que lle fosen recoñecidos os seus dereitos e lamenta que, neste caso, probablemente o deba facer de novo
09.03.2017.

As iniciativas de conciliación familiar son unha das promesas recorrentes da Xunta de Galicia, especialmente no marco do reto demográfico do país. Aínda esta mesma semana, na xornada «Lidera, avanzando en igualdade», o presidente galego anunciaba que nesta lexislatura se poría en marcha o I Plan Galego de Conciliación. Con todo, a Administración autonómica teima en lle impedir a conciliación a unha empregada pública.

Mabel Pérez (esquerda) e Silvia Parga (dereita), na presentación do estudo

CCOO alerta da precariedade laboral entre as mulleres: de media, cobran un 22,1 % menos ca os homes

  • A secretaria da Muller, Mabel Pérez, pide medidas para axudar a «fixar poboación», comezando pola creación de oportunidades en Galicia
01.03.2017.

Comisións Obreiras (CCOO) acaba de presentar o n.º 24 da publicación 'Cadernos do Sindicato Nacional', titulado «Precariedade e pobreza laboral: a realidade das traballadoras galegas». Este traballo actualiza os datos e conclusións dos documentos realizados polo sindicato en anos anteriores, nos que CCOO fai un balance da situación das mulleres no emprego, con especial atención á calidade dos postos de traballo, ás diferenzas salariais, a como incide o desemprego entre a poboación feminina ou a que sectores están máis ou menos feminizados.

CCOO apoia as mobilizacións convocadas en repulsa polos crimes machistas

CCOO apoia as convocatorias do movemento feminista contra o último crime machista

  • A última muller asasinada residía no Carballiño (Ourense)
  • Concentracións en toda Galicia mañá martes, 31 de xaneiro
30.01.2017.

O Sindicato Nacional de CCOO de Galicia apoia as concentracións convocadas en toda Galicia polo movemento feminista para mañá martes, 31 de xaneiro. CCOO chama a súa afiliación e a toda a cidadanía a participar nos actos de repulsa que terán lugar en diferentes localidades.

CCOO apoia a convocatoria do movemento feminista galego

CCOO apoia as concentracións contra a violencia machista

19.12.2016.

O Sindicato Nacional de CCOO de Galicia apoia as concentracións convocadas polo movemento feminista para mañá, día 20 de decembro. En só 48 h, dúas mulleres foron asasinadas no noso país; dous casos cualificados como violencia machista. CCOO apela á súa afiliación e ao conxunto da cidadanía a participar nos actos de repulsa que terán lugar en diferentes localidades.

CCOO contra a violencia de xénero

Día Internacional para a eliminación da violencia contra as mulleres 2016

21.11.2016.

O Sindicato Nacional de CCOO de Galicia e UGT-Galicia, ante un novo 25 de Novembro, manifestamos o noso máis contundente rexeitamento á insoportable violencia contra as mulleres, unha sanguenta consecuencia da discriminación e da ausencia de prevención, protección e dereitos necesarios para combater o que constitúe unha flagrante violación dos dereitos humanos.

CCOO e UGT organizaron en Vigo o XXI Encontro Sindical da Muller

CCOO e UGT organizaron en Vigo o XXI Encontro Sindical da Muller

  • Baixo o lema «a igualdade no mercado laboral: superando obstáculos, rompendo barreiras»
07.10.2016.

Comisións Obreiras e UGT, en colaboración co Concello de Vigo, organizaron os días 6 e 7 de outubro o XXI Encontro Sindical da Muller. Esta edición desenvolveuse baixo o lema «a igualdade no mercado laboral: superando obstáculos, rompendo barreiras».

Concentración fronte ao Concello de Lugo para esixir recursos contra a violencia machista

CCOO únese ao movemento feminista para esixir recursos contra a violencia machista

19.06.2017.

CCOO apoiou en Galicia e no resto do Estado a convocatoria promovida polo movemento feminista so o lema «Alerta feminista» para esixir recursos contra a violencia machista. Esixen aumentar a dotación económica, minguada nos orzamentos estatais, e a creación de xulgados especializados.

Concentracións en varias localidades galegas este serán

Concentracións en Galicia en repulsa polo crime machista de Oza-Cesuras

11.05.2017.

CCOO chama a participar este xoves, día 11, ás 20 h, nas concentracións convocadas polo movemento feminista galego en repulsa polo último asasinato machista, acontecido en Oza-Cesuras.

CCOO chama a participar na manifestación

CCOO participará na manifestación feminista do 5 de marzo

  • Partirá ás 12 h da estación do tren de Santiago de Compostela
03.03.2017.

O Sindicato Nacional de Comisións Obreiras de Galicia participará na manifestación feminista convocada por diferentes organizacións para o próximo domingo, día 5 de marzo. O sindicato chama a súa base social a participar nesta mobilización.

Convocatorias para hoxe do movemento feminista

CCOO chama a participar nas concentracións en repulsa polo asasinato dunha muller en Redondela

  • Concentracións ás oito da tarde en varias localidades do país
22.02.2017.

O Sindicato Nacional de CCOO de Galicia apoia as concentracións convocadas en toda Galicia polo movemento feminista para este mércores, 22 de febreiro, en repulsa polo asasinato dunha muller en Chapela (Redondela). CCOO chama a súa afiliación e a toda a cidadanía a participar nos actos de repulsa que terán lugar en diferentes localidades ás oito da tarde.

Concentración en Santiago de Compostela

CCOO insiste na necesidade dun pacto galego contra a violencia de xénero

  • Unha ampla representación de CCOO participou nas concentracións contra a violencia machista
21.12.2016.

O Sindicato Nacional de CCOO de Galicia apoiou e participou nas concentracións convocadas polo movemento feminista o martes, día 20, para rexeitar a violencia machista. O sindicato aproveita para insistir na necesidade dun pacto galego para erradicar a violencia contra as mulleres.

CCOO pide un pacto galego contra a violencia de xénero

CCOO pide un pacto galego contra a violencia de xénero

  • A secretaria da Muller de CCOO denuncia as dificultades das vítimas para accederen ás medidas de protección a que teñen dereito: catro de cada dez solicitudes son rexeitadas
23.11.2016.

Co gallo do Día Internacional pola Eliminación da Violencia contra as Mulleres, que se conmemora o próximo 25 de novembro, o Sindicato Nacional de Comisións Obreiras de Galicia pide un pacto galego contra a violencia de xénero. O ano pasado foron asasinadas sesenta mulleres en toda España, oito en Galicia, e case corenta no que vai de 2016. Cifras oficiais. Ademais, na comunidade autónoma galega denéganse catro de cada dez ordes de protección solicitadas, o cal evidencia a indefensión e as dificultades con que se atopan as vítimas.

Recorte do Diario Oficial de Galicia do 4 de marzo da parte relativa ás vacacións

A Xustiza vólvelle dar a razón a unha traballadora á que lle impuxeron gozar as vacacións en agosto

  • A afectada denunciou xudicialmente a decisión adoptada pola Dirección da biblioteca pública Miguel González Garcés, baseada nunhas instrucións que contraveñen o estipulado no DOG
24.10.2016.

A Xustiza volveulle dar a razón a unha traballadora da biblioteca pública coruñesa Miguel González Garcés, dependente da Xunta de Galicia, á que a Dirección do centro obrigou a gozar en agosto todos os días de vacacións que lle quedaban. Segundo CCOO, a decisión dos responsables da biblioteca adoptouse tomando como base unhas instrucións internas que se aplican desde o mes de maio.

Buscar noticias anteriores

Buscar noticias anteriores

Data: