Sindicato Nacional de CCOO de Galicia

Sindicato Nacional de CCOO de Galicia
Asembleas xerais abertas

luns 19 de xuño de 2017

'Desperegrinación' do persoal da sanidade pública en defensa dos dereitos laborais e económicos

  • Os manifestantes percorreron un treito do Camiño de Santiago en sentido inverso

A Federación de Sanidade de CCOO e outras organizacións protagonizaron este luns unha 'desperegrinación' en defensa dos dereitos laborais no ámbito e pola recuperación dos «dereitos roubados». Para este efecto, ducias de traballadoras e traballadores percorreron en sentido inverso un treito do Camiño de Santiago. Concretamente, partiron ás 11 h da sede da Xunta en San Caetano e mobilizáronse ata a entrada da cidade no barrio de San Lázaro.

O persoal da sanidade pública esixe os seus dereitos

O persoal da sanidade pública esixe os seus dereitos

Esta manifestación foi un «paso máis» na campaña iniciada semanas atrás polos sindicatos CCOO, CIG, UGT, SATSE, CSI-F e SAE, que primeiro reuniron o persoal en asembleas informativas e, poucos días atrás, convocaron unha concentración diante do Sergas e entregaron quince mil sinaturas de apoio ás reivindicacións.

Os sindicatos prometen «intensificar» as protestas após o verán, se non houber avances en reivindicacións como a recuperación da carreira profesional e das partidas económicas conxeladas, a non penalización por incapacidade temporal ou a recuperación dos días libres que corresponden, entre outros puntos.

O secretario xeral de CCOO-Sanidade, Ángel Cameselle, sallienta que «o salario é o pagamento polo noso traballo» e reivindica unha «verdadeira negociación» para que nos orzamentos do próximo exercicio haxa unha partida económica que permita recuperar os dereitos laborais e salariais do persoal da sanidade pública.

'Desperegrinación' do persoal da sanidade pública en defensa dos dereitos laborais e económicos

luns 19 de xuño de 2017

Ligazóns de interese relacionadas

Galería fotográfica

Áreas temáticas relacionadas

Información - Novas
O teu sindicato - Unións Territoriais - Santiago Barbanza - Actualidade