Sindicato Nacional de CCOO de Galicia

Sindicato Nacional de CCOO de Galicia
28 de abril, Día Internacional da Seguridade e a Saúde no Traballo

mércores 19 de abril de 2017

CCOO reúnese co alcalde de Santiago e cos grupos municipais para tratar a municipalización dos servizos da ORA e do guindastre

Entre os días 19 e 20, Comisións Obreiras reunirase tanto co alcalde de Santiago de Compostela, Martiño Noriega, como cos grupos municipais para coñecer as intencións do Consistorio compostelán no referente á municipalización dos servizos da ORA e do guindastre. O sindicato presentará propostas en defensa dos dereitos do persoal da actual empresa concesionaria.

Vehículo do guindastre municipal | Foto: Concello de Santiago

Vehículo do guindastre municipal | Foto: Concello de Santiago

Estas entrevistas teñen lugar grazas ás peticións do sindicato, cursadas o pasado 7 de abril e acollidas positivamente polo Concello.
 
A delegación do sindicato estará composta por representantes da Unión Intercomarcal de Santiago-Barbanza, do sindicato comarcal da Federación de Servizos á Cidadanía, do sector de estradas da citada federación e de persoal da empresa.
 
CCOO aposta por que os servizos públicos sexan directamente prestados pola Administración correspondente, polo que celebra calquera proceso de municipalización. Con todo, é «obriga sindical» defender os dereitos laborais do persoal representado.
 
Desde Comisións sinalan tamén que o dereito á negociación colectiva das traballadoras e traballadores, a través da representación sindical, debe garantirse «inequivocamente». Por esta razón, defenden que a voz do colectivo ha ser escoitada antes de que o Concello tome decisións «irreversibles».

CCOO reúnese co alcalde de Santiago e cos grupos municipais para tratar a municipalización dos servizos da ORA e do guindastre

mércores 19 de abril de 2017

Áreas temáticas relacionadas

Información - Novas
O teu sindicato - Unións Territoriais - Santiago Barbanza - Actualidade

  • Zona de afiliados
  • Afiliate a CCOO
  • Campaña renda 2016 - A túa cota sindical desgrava na declaración!
  • Lista de locais do SN de CCOO
  • Fixemos, facemos, faremos historia
  • Resumo de prensa
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Atlantis Seguros
  • Seguros Atlantis - Fogar e Vida
  • Portal de transparencia